يكتب /محمد سعد
محمود محمد محجوب موسى مواطن مصري سافر للملكه للعمل زي اي شخص عادي تعب وكافح كتير جدا وشاف من التعب ما لايضيقه احد .
شاب عمره لا يتجاوز 38 من محافظة بنى سويف
ترك زوجه وطفلين فى مصر عشان يسافر السعودية ويحسن وضعهم فى مصر اللى هوه مكنش وضع من الاصل
اشتغل فى شركة كبيرة فى مجال المقاولات وتركها لانها بتأخر الرواتب لمدة بتوصل ل 6 شهور
نقل على مؤسسة ووافق يشتغل فيها (بناء)، بالرغم من ضعف راتبها
مكملش كام شهر وحصل له حادث اثناء عمله
وقع من ارتفاع فالموقع وتم نقلة عن طريق الهلال الاحمر الى اقرب مستشفى للموقع وهى سليمان الحبيب بالرياض
♦️ ونتيجة الحادث
1 - كسر فى العمود الفقرى
2- كسر فى الجمجمة
3- غيبوبه
4- شلل فى الجانب الايمن
مؤسستة بحكم متابعه موقع العمل عرفت بالحادث وارسلت مندوب للهلال الاحمر وعرفت ان الاسعاف نقله لمستشفى الحبيب
لحد هنا الامور طبيعية ومن بعدها نقابل اكبر قضية ظلم لمريض بين الحياه والموت ،مريض لا يملك من الوعي0%
✍️المؤسسة بعد معرفتها بالحادث وزيارته بالمستشفى كذا يوم تعمل له بلاغ هروب طيب لماذا ؟
اولا حتي لا تتدخل فى مشاكل مع التأمينات الاجتماعية من عقود ووسائل امان وخلافه
ونظراً لان الهلال الاحمر كتب فى تقريرة ان الحادث فى موقع العمل يعنى (اصابة عمل) كده هيكون فيها مسأله عليهم "ودي قصه كبيره "
✍️ ولما تعرف ان بسبب التصرف الغير انسانى ده ان التأمينات مش هتغطى تكاليف علاجه ، لانه مخالف لنظام العمل ؛ يبقا منتقى القهر
✍️ ولما تعرف ان بسبب بلاغ الهروب الكيدى المستشفى مش هتقدر تكمل علاجه لانهم مش عارفين مين هيدفع تكاليف العلاج ، يبقا على الدنيا السلام .
♦️حالة المريض حرجه جداً
وبفضل الله قدرنا عن طريق السفارة السعودية بمصر عمل زيارة لزوجته لان حالة المريض تستدعى مرافق خصوصا بعد خروجه من العنايه المركزة ، وزوجة المريض معاه فالمستشفى
🛑 ما تم انجازه الى الان :
- عملنا طلب بكيدية بلاغ العروب فى مكتب العمل ، والى الان لم يتم رفع البلاغ
- عملنا طلب لوزارة الصحة عشان تخاطب مستشفى الحبيب انهم يكملوا علاجه لحد ما نحل موضوع الفلوس واى جهه تتحملها ، والى الان ما جانا رد
- كلمنا السفارة المصرية علشان يتدخلوا ، وبالفعل المستشار العمالى بيحاول بكل ما يملك من سلطه واجري العديد مع من الاتصالات من المسئولين بمكتب العمل لسرعة رفع كيدية البلاغ وفي انتظار الرد.
👈 الوضع صعب
المبلغ وصل الى الان فوق 300 الف ريال ولسه فى عملية تانى مطلوبه باسرع وقت وهى ارجاع جزء من عضم الجمجمه الى مكانها.
وبناء عليه اجتمع ابناء العمل التطوعي بالمملكه علي سرعة إيجاد حل لإنقاذ محمود ومن ضمن اسرع الحلول بيتم التفاوض مع المستشفى تعمل العملية وتضيف قيمتها على الفاتورة ونحاول نسدد لو محدش اتحمل علاجه وبنجهز رقم حساب خاص بملف المريض
🏩 المريض منوم بمستشفى سليمان الحبيب بالرياض - فرع الريان - طريق خريص - غرفة 215 الدور الثالث
استغاثة لخادم الحرمين الشريفين
نداء لوزارة الصحة السعودية
نداء لوزارة العمل والموارد البشرية
نداء لوزارة الهجرة المصرية
نداء للقنصيلة المصرية بالرياض
