 |
| باتشيكو |
تقرير / مصطفي عشري
جمهور الزمالك عامل محزنه علي مواقع التواصل الاجتماعي علشان رحيل المدرب جيمي باتشيكو ،، باتشيكو اللي كان سبب في خسارة االزمالك لاهم بطولة في اخر 15 سنه قدام الغريم واللي كان السبب في الخروج من كأس مصر قدام طلائع الجيش واللي كان السبب في ان الزمالك يخسر 7 نقط كامله في أول تلت ماتشات من دوري ابطال افريقيا ،، باتشيكو اللي خسر من المحله واتعادل مع دجله واسوان وبيراميدز وبدل مالزمالك يبقي متصدر ترتيب الدوري خلانا مهددين بخسارة الدوري لو الاهلي كسب مؤجلاته وانتظر في الماتش اللي بينا وبينه
تخيل باتيشكو عمل كل الاخفاقات دي مع الزمالك والجمهور الكيوت حزين عليه علشان مشي وهو يحراااام كسبان اخر ماتش وبطريقه مش بروفيشنال من مجلس الاداره اللي هو المفروض يمشي ازاي طيب؟؟ ماطبيعي إقاله لسوء النتائج وفقدان نقاط كتير في اخر شهر الي جانب عدم السيطره علي اوضة اللبس وعدم رغبة اللاعبين في الاستمرار معاه نستني اييه تاني؟!!!
جمهور الزمالك دا طيب اووي بمعني الكلمه طيب لدرجة انه طموحه علي قده بييفرح بأقل شئ والصفقات دي في الإنسان حاجه كويسه وعظيمه كمان لكن في المشجع حاجه منيله بستين نيله ،، لو كسبنا واحد دوري منزعلش بو خسرنا وراه تلاته ولو كسبنا كاام ماتش في الدوري ولو كسبنا بطولتين في السنه منزعلش اننا خسرنا باقي البطولات.؟
دايمآ بقول ان شخصية النادي بتنعكس علي عقلية المشجع وعقلية المشجع بتنعكس علي شخصية النادي بمعني ان المشجع لو طماااااااااع في طموحه ومش يملا عينه الا البطولاااات دا هينعكس علي إدارة ولاعبي ناديه ولو الجمهور غلباان وطيب زي جمهور الزمالك كدا فصعب اووي انك تلاقي ناديه بيسكب تلاته دوري مثلا ورا بعض لان اصلا مفيش اي ضغط الاداره واللاعيبه بتحس بيه لدرجة ان اللاعيبه لما بتجيب حتة دوري بيحسسونا انهم جابوا كأس العالم للزمالك وخلاص كدا احنا فرحناكم اهو
انا مؤمن جداا بقووة الاداره وانها السبب الرئيسي في الفجون بين الاهلي والزمالك في البطولات محدش سأل نفسه ليه علي مدار التاريخ دايمآ الاداره في الزمالك فااشله وعااجزه ووجدها زي عدمه مش بتقدم للنادي اي شئ
عارفين مين السبب في كدا ( جمهور الزمالك الطيب )
الجمهور هو المحرك الرئيسي للحدث قبل حدوثه بمعني
ان الجمهور يقدر يمنع اي لاعب ان يجي الزمالك لو اللاعب دون المستوي داخل وخارج الملعب ،، الجمهور يقدر يمنع اي حد مترشح علي كرسي رئاسة النادي لو شايف انه فاشل او ضعيف وهو بقائمته ببرنامجه مش هيقدموا اي اضافه
لكن مابعد الحدث الجمهور ماهو إلا مجرد حاله من الفرحه از الغضب علي مواقع التواصل الاجتماعي والحاله دي ماهي إلا تعبير وتحليل وتشجيع وتحفيل لكن هل الجمهور مهما كان كبير يقدر يغير قرار رئيس النادي؟
طيب يقدر يغير قرار المدير الفني ؟
طيب يقدر يعدل من سلوك لاعب مش ملتزم ؟
طيب يقدر يعمل من لاعب متواضع للاعب عالي الجوده ؟
